Кызыл Байракта акыл өчен күнегүләр узды

Балаларга күп төрле пазллар, башваткычлар, ребуслар һәм эрудиция уеннары тәкъдим ителде. Чара башында бу көннең кайдан килеп чыгуы, беренче табышмаклар һәм башваткычлар барлыкка килүе, шулай ук төрле типтагы һәм катлаулылык дәрәҗәсендәге башваткычларның күптөрлелеге: логик, интеллектуаль һәм стратегик сүзләр, шахмат тактасы һәм геометрик фигуралар белән уеннар, кроссвордлар, ребуслар һәм башкалар турында сөйләделәр. Аннары балалар кызыксынып төрле башваткычлар, ребуслар чиштеләр, пазллар җыйдылар.

Чара барышында балалар галимнәрнең башваткыч өстендә эшләгәндә, хәтерне, акыл сәләтләрен һәм проблемаларны чишү күнекмәләрен яхшыртып, баш миенең ике ягын да эшкә җигелгәнен ачыклаганнарын белделәр. Күптән түгел үткәрелгән тикшеренүләр күрсәткәнчә, башваткычлар кебек уртак уеннарда катнашкан кешеләрнең бәхет дәрәҗәсе югарырак, ә кайбер очракларда релаксациягә дә ия. Чынлыкта, башваткычны чишү өчен, кагыйдә буларак, югары дәрәҗәдәге махсус белемнәр түгел, ә зирәклек таләп ителә. Башваткыч пазллар игътибарны, хәтерне, дөньяга карашны һәм фантазияне, пөхтә һәм тырышлыкны, вак моториканы үстерә, акыл активлыгын, логик һәм абстракт фикерләүне стимуллаштыра.

Чарада катнашучылар башваткычлар гаять кызыклы мавыгу дигән фикер белән килештеләр. Бу шулай ук бик күп кызыклы кешеләрне берләштерә һәм аралашу офыкларын киңәйтә торган файдалы вакыт үткәрү.