Югары Ослан муниципаль районында урып-җыюга әзерлек буенча АПК оешмалары арасында урып-җыю техникасын кабул итү узды

Анда Татарстан Республикасы Авыл хуҗалыгы һәм азык-төлек министрлыгының АПКаны тәэмин итү буенча инженер-техник бүлеге башлыгы Илнар Габбасов һәм “РОССЕЛЬХОЗЦЕНТР” ДБУ бүлеге җитәкчесе Роберт Ганибаев катнашты. Кабул итү барышында район башлыгы Марат Зиатдинов авыл хуҗалыгы предприятиеләре җитәкчеләре, комбайнчылары һәм механизаторлары һәм фермер хуҗалыклары башлыклары белән киңәшмә үткәрде.

 Авыл хуҗалыгы предприятиеләре җитәкчеләре урып-җыюга әзерлек һәм механизаторлар белән комплектлылык турында сөйләделәр. Моннан тыш, киңәшмә барышында түбәндәге мәсьәләләр каралды: - механизаторларны матди кызыксындыру шартлары, урып-җыю эшләрен башкарганда куркынычсызлык кагыйдәләрен, янгын куркынычсызлыгы таләпләрен үтәү.

 Район башлыгы Марат Галимҗан улы җитәкчеләр һәм белгечләр алдына авыл хуҗалыгы техникасын әзерләүне төгәлләү, урып-җыю эшләрен оешкан төстә һәм кыска срокларда башкарып чыгу, хезмәткә түләү бәяләрен яңадан карау, механикалаштырылган күчмә ремонт звенолары оештыру һәм эшчеләрне кайнар тукландыру бурычын куйды.