Газинур Хәйруллин район мәктәбе укучылары өчен Батырлык дәресе үткәрде

Хәйруллин Газинур Гарифҗан улы-"Аэростан" авиакомпаниясенең "Ил-76" һава корабленең икенче пилоты, запас капитаны, Россия Герое, «Татарстан Геройлары» иҗтимагый оешмасы рәисе район укучылары белән очрашты һәм алар өчен Батырлык дәресе үткәрде.

Чара башында Газинур Гарифҗан улы балалар белән балачагында ук очучы булырга карар итүе турындагы хатирәләре белән уртаклашты. Туган авылы Иске Чүпрәледә укучы чагында авиация түгәрәгенә йөргәне, самолетлар турында махсус әдәбият укыганы, хәрби фильмнар караганы турында сөйләде.

Очучыларның югары хәрби авиация училищесын тәмамлагач, Хәйруллин хәрби көчләрдә хезмәтен дәвам итә. 1983 елдан Газинур Гарифҗан улы Ил-76 һава корабы командиры ярдәмчесе булып эшли, ә 1987 елдан кораб командиры була. Шулай ук очрашу барышында Газинур Хәйруллин Әфганстандагы Кандагар шәһәреннән экипаж составы белән әсирлектән качулары турында сөйләде.

Дәрес кысаларында шулай ук «Кандагар» фильмының кульминация эпизоды да күрсәтелде. Әңгәмә вакытында укучылар Хәйруллинга күп сораулар бирделәр. Шулай ук чара барышында Украинада махсус операциядә катнашучы Югары Ослан якташларының исемнәрен дә искә алдылар.