Балалар китапханәсе Әтиләр көненә багышланган күргәзмәгә чакыра

Әти – гади сүз генә түгел, малайлар өчен - үрнәк ул, кызлар өчен - горурлык. Тормышта ата-ананың роле бәяләп бетергесез - гаилә башлыгы һәм терәге, яклаучы, үрнәк һәм һәр бала өчен идеал алар. Әти белән паркта йөрергә, яраткан җырларыңны җырларга, футбол уйнарга, рәсем ясарга һәм бик күп кызыклы нәрсәләр башкарырга була.

Район балалар китапханәсендә Халыкара әтиләр көненә багышланган китап күргәзмәсе эшли башлады. Күргәзмәдә рус классик әсәрләре генә түгел, заманча әдәбият әсәрләре дә, шаян, көлкеле һәм гыйбрәтле хикәяләр дә тәкъдим ителгән. Китаплар, балаларга да, өлкәннәргә дә кызыклы булачак.