Вахит китапханәсе гаилә көненә багышланган күргәзмәгә чакыра

Гаилә ул - якыннарыбыз һәм туганнарыбыз, без аларга игелек һәм бәхет телибез, алардан үрнәк алабыз, алар турында кайгыртабыз. Гаиләдә мәхәббәт, кайгырту һәм хөрмәт, җаваплылык тәрбияләргә өйрәнәбез. Гаилә көне - һәр кешегә кагылышлы иң якты бәйрәмнәрнең берсе. Гаиләне әхлакый һәм рухи яктан тәрбияләүдә, аны ныгытуда китапханә һәм китаплар зур роль уйный.

Вахит авыл китапханәсендә «Минем дөньям - минем гаиләм» дигән китап күргәзмәсе оештырылды. Күргәзмәдә балаларга һәм яшүсмерләргә гаилә тәрбиясе буенча китаплар, ата-аналар һәм өлкәннәр өчен гаилә тәрбиясе өлкәсендә гамәли психология буенча ярдәмлекләр җыентыклары, гаилә педагогикасы энциклопедияләре җыентыклары, халык мәдәнияте һәм балаларга һәм яшьләргә патриотик тәрбия бирү буенча укыту-методик ярдәмлекләр тәкъдим ителә.

"Гаилә әдәби әсәрләр битләрендә" бүлегендә түбәндәге китаплар куелган: А.Ивановның "Мәңгелек чакыру", И.Тургеневның "Аталар һәм балалар", А.Чеховның "Чия бакчасы", Ф.Садреевның "Таң җиле", З. Кадыйрованың "Синсез үткән язлар". Китапларда гаилә, балалар, әбиләр һәм бабайлар турында сөйләнә.

Шулай ук китапханәдә «Минем гаиләм – минем шатлыгым» фотокүргәзмәсе оештырылды. Күргәзмәдә укучыларыбыз гаиләләренең фотоларын күрергә була. Гаилә фотографиясе - хәтер фотосы гына түгел, ул үзең һәм балалар өчен сакланган кәеф, хисләр, истәлекләр.