Үзәк китапханәдә Татарстан көненә багышланган күргәзмә эшли

Ел саен, 30 августта, Татарстанның барлык халкы иң төп дәүләт бәйрәмнәренең берсе - Татарстан Республикасы көнен бәйрәм итә. Бу 1990 елда башланган милли бәйрәм. Бу көнне 1990 елның 30 августында республика Югары Советы Татарстан ССР дәүләт суверенитеты турында декларация кабул итте. 

Үзәк район китапханәсендә бәйрәм хөрмәтенә “Минем Ватаным - минем Татарстан” дигән күргәзмә оештырылды. Күргәзмәдә китаплар, альбомнар, картографик басмалар тәкъдим ителгән, алар республиканың табигать ресурсларын һәм әйләнә-тирә мохитенең торышын, икътисадый үсешен, тарих битләрен чагылдыра, дәүләти-конфессиональ һәм милләтара мөнәсәбәтләрне ача. 

Тәкъдим ителгән басмалар Татарстан Республикасының төрле почмаклары буйлап мавыктыргыч сәяхәт кылырга, аның бай мәдәни мирасына, туган якның мәдәниятен һәм сәнгатен баеткан күренекле кешеләр язмышына кагылырга һәм, бер үк вакытта Татарстан Республикасының хәзерге тормыш пульсын тоярга мөмкинлек бирә.