Шеланга мәктәбендә космос тарихын өйрәнделәр

Дәрес Космонавтика көненә - 12 апрельгә - туры китерелде һәм укучыларны кешелек тарихында мөһим вакыйга - кешенең космоска беренче очышы белән таныштыруга юнәлдерелде.

Чара барышында балалар: Юрий Гагаринның балачагы һәм яшьлеге, аның очучы һәм космонавт һөнәренә юллары турында белделәр, беренче космонавтларны әзерләүнең һәм отрядка кандидатларны сайлап алуның төп этаплары белән таныштылар, тарихи очыш хроникасын күзәттеләр, 1961 елның 12 апрелендә Байконур космодромыннан "Восток" корабында старт алуын, Җир тирәли бер борылыш ясап, исән-имин әйләнеп кайтуын, очышның дәвамлылыгы -108 минут булуын белделәр һәм Гагаринның онытылмаслык - “киттек!” сүзенә горурландылар, дөньяның беренче космонавт турындагы хәбәрне ничек каршы алуы һәм Юрий Алексеевичның батырлыгы СССРда һәм чит илләрдә нинди җавап уятуы турында сөйләштеләр, Гагарин истәлегенең шәһәр, урам, уку йортлары исемнәрендә, һәйкәлләр һәм традицияләрдә мәңгеләштерелүен белделәр. 

Гөлшат Сиченкова дәрестә тарихи фотографияләр белән презентация (Гагаринның балачагы, космонавтлар күнегүләре, ракета старты), документаль хроника фрагментлары, «Восток» корабының очыш карталары һәм схемалары, космос турында китаплар һәм балалар басмалары җыентыгын күрсәтмә материал итеп кулланды. Гагаринга беренче булырга ярдәм иткән сыйфатларга: үҗәтлеккә, хезмәт сөючәнлеккә, оптимизмга, кыюлыкка һәм Ватанга мәхәббәткә аерым игътибар бирелде. Балалар космонавт өчен нинди характер сыйфатлары мөһим һәм аларны хәзер үк үзеңдә ничек үстерергә кирәклеге турында фикер алыштылар.

Класс сәгате азагында укучылар Гагаринның тормышы һәм очышы турындагы викторина сорауларына җавап бирделәр, тәэсирләре белән уртаклаштылар -күпләр беренче космонавт тарихы белән илһамлануларын, фән һәм техника белән күбрәк кызыксына башлауларын әйттеләр.

Бу чара укучыларның дөньяга карашын киңәйтеп кенә калмыйча, үзебезнең космонавтика казанышлары белән горурлану хисе тәрбияләде, максатчанлык һәм эшкә хезмәт итү үрнәге күрсәтте.