Районда “Демография” милли проекты уңышлы эшләп килә

«Демография» милли проектының «Өлкән буын» федераль проектын гамәлгә ашыруның өстенлекле юнәлешләреннән берсе - өлкән яшьтәге гражданнарны һәм инвалидларны озак вакытлы карау системасын гамәлгә ашыру. Бу үзенә күрә гражданнарның үз-үзләренә хезмәт күрсәтү сәләтен, физик һәм функциональ активлыгын саклап калуга яки торгызуга юнәлдерелгән чаралар комплексы.  

Югары Ослан районының «Островок надежды» халыкка комплекслы социаль хезмәт күрсәтү үзәгендә 19 социаль хезмәткәр өйдә хезмәт күрсәтә. Алар тәрбияләү мәктәбендә махсус әзерлек үткәннәр, ашату, гигиена процедураларын үткәрү ысулларына өйрәтелгәннәр. Шул ук вакытта социаль хезмәткәрләр өйрәнгән күп кенә техникалар тәрбияләнүчеләргә йөкләнешне дә киметергә тиеш. 

Бүгенге көндә проектны гамәлгә ашыру кысаларында озак вакытлы карау хезмәте белән 66 граждан җәлеп ителгән.  Ул озак вакытлы карау буенча индивидкаль социаль пакетка бәйле. Гражданнарга социаль хезмәт күрсәтүгә яңа алымнар кертү уңай нәтиҗәләр бирә, социаль хезмәтләрдән файдаланучыларның физик һәм психологик хәлен яхшырта, шулай ук аларның көндәлек тормыш сыйфатын яхшырта.