Мәмәтхуҗада Әтиләр көненә фотокүргәзмә оештырдылар

2025 елда әтиләр көне 19 октябрьгә туры килә. 2021 елдан бирле рәсми рәвештә билгеләп үтелә торган бу яшь, әмма инде яраткан бәйрәм - яңа буынны үз үрнәкләре, кайгыртучанлыгы һәм яратуы белән тәрбияләгән әтиләренә, бабайларына, абыйларына, барлык ир-атларга рәхмәт белдерү өчен менә дигән сәбәп.

Мәмәтхуҗа авылы мәдәният йорты хезмәткәрләре «Әти белән бар да мөмкин!" дигән фото-акция үткәрделәр. Акция кысаларында мәдәният йорты хезмәткәрләре язылучыларга әтиләрнең бала тормышындагы ролен (ял итү, табигатьтә йөрү, дәресләр әзерләү, уртак хезмәт) чагылдырган теләсә нинди жанрдагы фотосурәтләр ясарга һәм социаль челтәрләргә җибәрергә тәкъдим иттеләр. Күпләр әтиләре белән бергә ял итү мизгелләре сурәтләнгән күңелгә үтеп керерлек һәм якты фотосурәтләр белән уртаклаштылар. Сурәтләрдә - спорт ярышлары да, иҗади дәресләр дә, һәр баланың йөрәгенә кадерле булган күңелле аралашу минутлары да бар.

Бу фотосурәтләр - балалар өчен әтиләр белән җылы мөнәсәбәтләрнең никадәр мөһим булуына һәм уртак шөгыльләрнең никадәр шатлык китерүенә иң яхшы дәлил.