“Каенкай” балалары волонтерлыкка беренче адымнарын ясыйлар

Әзерлек группасындагы балалар зур кыйммәтләр дөньясына мөһим адым ясадылар. Алар Россиядә Иреклеләр – Волонтерлар көне – истәлекле көн турында беренче тапкыр белделәр. Балалар тәрбияче Зәринә Таҗиева белән бергәләп, башкаларга ярдәм итү - мактаулы, мөһим һәм бик шәп, дип сөйләштеләр.

Ә үзара ярдәм рухы якынрак һәм аңлаешлырак булсын өчен, алар «Уенчыкларга беренче ярдәмне күрсәтү» иҗади остаханәсе уздырдылар. Тәрбияләнүче балалар үзләрен ирекле ярдәмчеләр ролен зур җаваплылык белән сынап карадылар:

* "Травмпункт”та курчакка дәваланырга ярдәм иттеләр;

* "Китаплар хастахәнәсе"ндә таушалган тышлыкларга һәм битләргә икенче тормыш бүләк иттеләр;

* «Реанимация» бүлегендә йомшак уенчыкларга эчлек тутыру буенча «операцияләр» үткәрделәр, алар яңадан нык һәм йомшак булдылар.

Тәрбиячеләр мондый игелеклелек һәм практик кайгырту дәресләре - беренче, әмма иң төп адымнар булуына ышана. Һәм алар балаларны Ватанга мәхәббәт, үзара ярдәмләшү һәм файдалы булырга омтылу тирәсенә берләштергән «Алдынгылар» яңа хәрәкәтенең рухы һәм кыйммәтләре белән тулысынча туры килә. Инде бүген үк алар җаваплылыкта, игелекле гамәлләрдә һәм ярдәмгә килергә әзерлектә беренче булырга өйрәнәләр. Зур киләчәк нәкъ менә шундый кечкенә эшләрдән башлана да бит!