Гыйлем дөньясының киләчәге зур

Игълан ителгән ел Россия Федерациясендә фән һәм технологияләр унъеллыгы уңаеннан һәм шулай ук Россия фәненең 300 еллыгын бәйрәм итү кысаларында узачак. 

 Фән - прогресс двигателе. Аның үсеше нәтиҗәсендә дөньяда бик күп югары технологияләр, медицина ачышлары, көнкүреш һәм сәнәгать приборлары барлыкка килгән, алар кешенең тормышын җиңеләйтә һәм яхшырта. Илнең фәнни-технологик үсеше хәзерге дөньяда мөһим роль уйный. Кешелекнең бөтен тарихы кешенең мөмкинлекләре чиксез булуы, аның уйлап табуга омтылышы турында сөйли. Фән тирә-юньдә яңа белемнәр һәм дөньяны аңлау бирә, ә техника бу белемнәрне гамәлдә кулланырга ярдәм итә. 

Фәнни-технологик үсеш елы һәм Россия фәне көне кысаларында Үзәк район китапханәсендә «Гыйлем дөньясының киләчәге зур» дигән иллюстратив күргәзмә урнаштырылган. 

Күргәзмә экспозициясендә “киләчәк шәһәре” Иннополисның  тарихы һәм киләчәктә үсүе турында басмалар тәкъдим ителә. Фәнни-популяр әдәбият кеше цивилизациясе казанышлары, мәгълүмат технологияләре турындагы күп кенә сорауларга җавап бирә, күренекле галимнәрнең биографиясе һәм фәнни эшчәнлеге, дөньяны үзгәрткән ачышлары белән таныштыра. Тәкъдим  ителгән журналдагы материаллар укучыларга Татарстан Республикасында XXI гасыр ачышлары һәм масштаблы проектлары турында сөйли.

Күргәзмә укучыларның киң даирәсе өчен тәкъдим ителә.