Балалар китапханәсендә сәламләү көне узды
Ел саен 21 ноябрьдә Бөтендөнья сәламләү көне билгеләп үтелә. Бу көн -дусларча сәламләүләр, шатлыклы хисләр һәм яхшы кәеф өчен менә дигән сәбәп. Бу көн алдыннан районның балалар китапханәсе «Тылсымлы сүз» дип аталган уен сәгате уздырды.
Балалар һәр халыкның гасырлар дәвамында формалашкан үзенчәлекле сәламләү традицияләре булуын белделәр. Очрашу вакытында кешеләр бер-берсенә яхшылык, сәламәтлек, иминлек һәм уңышлар телиләр. Кайвакыт сәламләү формалары гадәти булмаска да мөмкин: мәсәлән, Тибетта кешеләр бер-берсен телләрен күрсәтеп сәламлиләр, рус халкы, европалылар һәм америкалылар, кагыйдә буларак, очрашканда кул кысышалар. Әмма абхазлар бу ишарәне туганнарын һәм якын дусларын сәламләү өчен генә куллана. Таиландта исә сәламләү башкача: кешеләр учларын бергә кушып баш ияләр.
Балалар бик теләп төрле конкурсларда катнаштылар. Алар мәкальләр җыйдылар, викторина сорауларына җавап бирделәр һәм «Сәлам», «Әдәпле сүзләр сүзлеге», «Дуслык поезды» һәм «Кыңгырау» кебек уеннар уйнадылар. Чара азагында балалар тематик мультфильм карадылар.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Читай «Волжскую новь» в Телеграм, Вконтакте, Одноклассники, Дзен
Нет комментариев