2025 елда уку йортларына кабул итү кампаниясенең яңа кагыйдәләре

Төп үзгәрешләр документларны тапшыру срокларына, кабул итү процедурасына һәм өстәмә баллар исәпләү системасына кагыла.

Кабул итү кампаниясенең төп сроклары

*20 июльгә кадәр – өстәмә керү сынаулары (иҗади, һөнәри имтиханнар) булган юлламаларга документлар тапшыру.

*25 июльгә кадәр – программаларга гаризаларны керү сынауларыннан башка гына кабул итеп бетерү.

*29 июль – ташламалы һәм максатлы керүчеләрдән кабул итүгә ризалык алу төгәлләнә.

*30 июль – ташламалы категорияләрне кертү турында боерыклар бастырып чыгару.

*3 августка кадәр – төп конкурста катнашуга ризалык бирү.

*5 август (Мәскәү вакыты белән 12:00) – ризалыкларны кабул итү тәмамлану һәм кабул ителгәннәрнең йомгаклау исемлекләрен бастырып чыгару. 

Документларны тапшыру

Абитуриентлар 5 югары уку йортын һәм 5 юнәлешне сайлый ала. Тапшыру мөмкин:

 *«Дәүләт хезмәтләре» аша («вузга керү онлайн» сервисы).

*Югары уку йорты сайтындагы шәхси кабинет аша.

 *Шәхсән уку йортының кабул итү комиссиясендә.

Кирәкле документлар

*Кабул итү турында гариза.

*Паспорт күчермәсе.

*Аттестат (яки урта һөнәри белем бирү дипломы).

*БДИ нәтиҗәләре.

*Индивидуаль казанышларны раслау (әгәр булса).

* Кабул итүгә ризалык (мәҗбүри рәвештә 2025 елдан!).

Мөһим үзгәрешләр

Уку йортына кабул итүгә ризалык хәзер мәҗбүри – хәтта аттестатның оригиналы булса да, аннан башка кабул итү мөмкин түгел.

*Һәр этапта бер генә тапкыр бирелә (ташламалы/төп конкурс), шуңа күрә алдан ук өстенлекләрне билгеләү мөһим.

Конкурсның үтә күренмәлелеге - югары уку йортлары ике исемлек бастыра:

*Укырга керергә документлар тапшыручылар

*Конкурс нәтиҗәләре(баллар һәм килешү статусы белән).

 Өстәмә баллар

+10 баллга кадәр алырга мөмкин:

*Олимпиадаларда һәм конкурсларда җиңүләр.

*Волонтерлык эшчәнлеге.

*ГТО билгесе һәм спорт казанышлары.

*Фәнни проектларда катнашу.

"Һәр югары уку йорты балларны нәрсә өчен исәпләргә икәнен мөстәкыйль билгели, шуңа күрә сайланган университет кагыйдәләрен өйрәнү мөһим», – дип билгеләп үтә мәгариф мәсьәләләре буенча эксперт Александр Хвостов.

Абитуриентларга киңәш: вуз сайтларында яңартуларны күзәтегез һәм бюджет урынына мөмкинлекне кулдан ычкындырмас өчен документларны алдан әзерләгез!