Югары Ослан ханымнарына файдалы киңәшләр

- Вазада җиләк-җимеш озаграк бозылмый торсын өчен, янына 1 лимон куегыз.

- Ит яхшы кызсын өчен, кайнар майга аз гына он сибегез.

- Ак ипи белән карасын бергә сакларга ярамый. Икесенең дә тәме үзгәрә.

- Угычтан уылган чи бәрәңгегә, каралмас өчен, шундук аз гына сөт өстәргә кирәк.

- Лавр яфрагын ашта калдырмагыз, ул шулпага әче тәм бирә.

- Каты тәңкәле балыкны 15 - 30 секундка кайнар суга салып алыгыз, җиңелрәк чистарыр.

- Атланмай кыздырганда каралмасын өчен табаны үсемлек мае белән майлагыз.