Введенка Бистәсендә Әниләр көненә әдәби чара узды

Чара төрле яшьтәге хатын-кызларны иң мөһим темаларның берсе - Ана булу темасы берләштерде. Ул гаилә кыйммәтләренең мөһимлеген, ананың мәхәббәте һәм кайгыртуы кеше тормышында булган иң кыйммәтле әйбер икәнлеген искәртте.

Чарада Иван Бунинның, Марина Цветаеваның, Александр Твардовскийның дулкынландыргыч шигъри әсәрләре яңгырады.

Китапханәче катнашучыларга бәйрәмнең барлыкка килүе һәм аны башка илләрдә ничек билгеләп үтүләре, әдәбиятта, рәсем сәнгатендә, музыкада, кинода һәм театрда ана булу образының ничек чагылуы турында сөйләде. Шулай ук хатын-кызларга фондка күптән түгел кергән китаплар күргәзмәсе дә күрсәтелде. Һәркайсы уку өчен үз өенә китап сайлады.

Очрашуны оештыручылар катнашучыларның барысына да рәхмәтләрен белдерә. Чөнки мондый чаралар мәдәни һәм гаилә кыйммәтләрен ныгытуга һәм саклауга ярдәм итә.

Бу көнне планетадагы барлык әниләргә иң яхшы бүләк - тормыш өчен рәхмәт әйтәсе килә! Без сезгә рухи көч, тормыш зирәклеге, сабырлык, хатын-кыз бәхете, үзара мәхәббәт һәм өй бәхете телибез!