Вахитта әниләргә багышланган күңел ачу кичәсе үткәрделәр

Әниләр көненең иң якты һәм игелекле бәйрәме алдыннан, "Сердәш» клубы әгъзалары өчен «Актив озын гомер» программасы кысаларында, Вахит авыл китапханәсендә мәдәният йорты хезмәткәре белән берлектә «Йөрәк җылым сиңа, әнием» дигән әдәби кичә үткәрелде. Китапханәче барлык әниләрне бәйрәм белән котлады. Аларга сәламәтлек, шулай ук зирәк, сизгер һәм игелекле булып калуларын теләде. Чара кунакларына кызыклы күңел ачу программасы тәкъдим ителде, анда шулай ук «Көйне бел», «Бу кемнең әнисе», «Ашамлыкның исемен бел», «Әкиятне сөйләп бир» конкурслары керде.

Кунаклар игътибарына "Ана образы матур әдәбиятта" китап күргәзмәсе тәкъдим ителде. Күргәзмәдә үз әсәрләрендә ана образы тудырган танылган татар, рус язучылары һәм шагыйрьләренең китаплары тәкъдим ителде, алар  – яратучы һәм игелекле, аңлаучы һәм барысын да кичерүче, сабыр һәм назлы, кайгыда батыр һәм чыдам, шатлыкта ачык һәм юмарт, безне җылылык һәм кайгырту белән әйләндереп алган хатын-кызлар. Катнашучылар балачактан истә калган әниләр турында шигырьләр сөйләделәр, балаларына укыган китапларын искә төшерделәр, әниләре турында истәлекләре белән уртаклаштылар.