Вахитта «Карлы десант» акциясе узды

Кирәкле инвентарь белән коралланып, алар территорияне тәртипкә китерделәр. Барысы да зур күңел күтәренкелеге белән чын күңелдән эшләделәр. Хезмәт нәтиҗәсен күрү һәркемгә күңелле булды, алар бу эшкә үз күңел җылысының бер өлешен кертте. Һәлак булган сугышчыларга һәйкәл янындагы чиста территория авылдашларын шатландырып торачак.  

Истәлекле урыннарны төзекләндерү - безнең эшләребезнең аз өлеше ул, без аның ярдәмендә тыныч күк йөзе хакына гомерләрен калдырган барлык кешеләргә рәхмәтебезне белдерәбез. Һәм безнең төп бурыч - бу хәтерне еллар дәвамында мөмкин кадәр озаграк саклау.