Вахит авыл җирлегенең мәдәният хезмәткәрләре авыл халкы белән берлектә «Үз кулларыбыз белән маскировка челтәрләре» акциясенә кушылдылар һәм Украинадагы махсус операциядә катнашучы якташлары өчен маскировка челтәрләре үрделәр.
Вахит авылы волонтерлары оештыручыларның үтенеченә актив җавап бирделәр һәм маскировка челтәрләре ясадылар. Алар челтәргә бәйләнгән һәр күзәнәккә аерым мәгънә салып эшләделәр. Бу бит кемнеңдер гомерен саклап калу, сугышчыны дошманнан яшерү мөмкинлеге.
"Мондый авыр вакытта без берләшергә һәм солдатларыбызга ярдәм итәргә тиеш дип саныйм. Алар безне яклый, ә без аларны менә шундый челтәрләр ясап яклаячакбыз. Бу аларга куркынычсызлык тудырачак, танкларны һәм окопларны яшерергә ярдәм итәчәк", - дип сөйләде китапханә мөдире Сания Сәлимуллина.
Акция дәвам итә һәм теләге булган һәркем бу изге эшкә кушыла ала.
Читай «Волжскую новь» в МАКС, Вконтакте, Одноклассники, Дзен, Телеграм,
Нет комментариев