Вахит балалары каникулларны китапханәдә уздыралар
Китапханә - ул китаплар яши торган йорт кына түгел, ә ял итү, кызыклы очрашулар, уеннар, күңел ачулар уздыру урыны да.
Укучы балаларның көзге каникуллары дәвам итә. Нәкъ менә китапханә каникулларны мавыктыргыч сәяхәткә әйләндерә дә инде. 26 октябрьдән 4 ноябрьгә кадәр көзге каникуллар узачак - вакытны кызыклы һәм файдалы итеп уздыру өчен менә дигән мөмкинлек. Уку балага мәктәп дәресләреннән ял итәргә генә түгел, ә үзе өчен яңа дөньялар ачарга, дөньяга карашын киңәйтергә һәм күзаллауларын үстерергә дә ярдәм итәчәк.
Вахит авылы китапханәсендә яшь укучылар өчен «Китаплы каникуллар» дигән китап күргәзмәсе оештырылган. Балаларга китаплар яхшы компания булачак һәм искиткеч уку дөньясын ачачак. Аларны әсәрләрдә искиткеч геройлар һәм аларның гаҗәеп маҗаралары көтә. Укучылар кызыклы очрашулар һәм вакыйгаларның сихри дөньясына чумачак. Каникулларын китапханәдә уздырып, балалар яхшы танышлары һәм яңа китап геройлары белән очрашулардан уңай хисләр алачак.
Шулай ук китапханә мөдире Сания Сәлимуллина китап сөючеләргә әдәби һәм уен чаралары, конкурслар, мастер-класслар, кызыклы китаплар, журналлар әзерләгән.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Читай «Волжскую новь» в Телеграм, Вконтакте, Одноклассники, Дзен
Нет комментариев