Волжская новь

с. Верхний Услон

18+
Югары Ослан. Татарча

Үзәк китапханә Халыкара этикет көненә чара оештырды

Ел саен 21 мартта халыкара этикет көне билгеләп үтелә, ул җәмгыятьнең игътибарын үз-үзеңне тоту нормалары һәм стандартларының мөһимлегенә юнәлтергә, шулай ук дөньяның төрле илләрендә этикетның мәдәни үзенчәлекләре турында мәгълүмат бирергә тиеш. Һичшиксез, этикет кагыйдәләрен белү һәм үтәү җәмгыятьнең гармонияле яшәешенең аерылгысыз өлеше булып тора.

Әлеге көн уңаеннан район үзәк китапханәсе хезмәткәрләре Югары Ослан гимназиясе укучылары өчен «Комильфо чикләрендә тәрбия. Этика һәм эстетика" танып белү уен программасы оештырды.

Чарада катнашучылар этикет тарихы, аның әһәмияте һәм төп принциплары турында белә алдылар. Уен барышында гимназия укучылары «әдәпле сүзләр», «үткәннән юллама», «Әйдәгез бер-беребезгә комплиментлар әйтик» һәм «Блиц сораштыру» тематик станцияләрендә булдылар. Уен барышында алар этикетның төрле төрләре турында белемнәрен күрсәттеләр һәм уңай хис-кичерешләр алдылар.

Чара тәмамлангач, катнашучыларның барысы да этикет темасы буенча китаплар белән таныша алды.

Следите за самым важным и интересным в Telegram-каналеТатмедиа

               


Галерея

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев