Үзәк китапханә мистик әсәрләр укырга чакыра
Күпләр сәламәт куркуның организмга уңай хис-кичерешләр алу белән чагыштырырлык файда китерергә сәләтле икәнен белмидер. Канга адреналин һәм башка гормоннар чыгару баш мие эшчәнлеген активлаштыра, энергия һәм уңай кәеф кора.
Куркыныч жанр яратучылар, кагыйдә буларак, андый әдәби әсәрләр укыганда куркуга бирелмиләр. Кемдер убырлар яки яшерен лабораторияләрдәге экспериментлар нәтиҗәләре кебек мистик җан ияләре турында укуны өстен күрә, шул ук вакытта башкаларга күбрәк кешенең эчке иблисләре, җеннәре турындагы тарихлар ошый.
Район үзәк китапханәсе «Куркынычлы, әмма кызыклы әсәрләр» дигән хоррор-күргәзмә әзерләде. Күргәзмәдә һәр китап үзенең уникаль курку атмосферасын тудыра. Авторлар укучыда курку хисе уяту өчен төрле әдәби алымнар кулланалар.
Күргәзмәдә тәкъдим ителгән китаплар – ул иң тәэсирләндерә торган мистик романнар һәм психологик триллерлар, шулай ук алдан әйтеп булмый торган маньяклар һәм үтерүчеләр турындагы документаль тарихлар. Китапханә һәрбер әсәрнең укучы хәтерендә тирән эз калдырачагына ышана.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Читай «Волжскую новь» в Телеграм, Вконтакте, Одноклассники, Дзен
Нет комментариев