Түбән Ослан балалар бакчасында балаларны мәктәп тормышына озаттылар
Чыгарылыш кичәсе - балачактан олылар тормышына «бусага» кебек, бу балалар бакчасында соңгы иртәнге тантана. Бу мәктәпкәчә яшьтәге балачак белән саубуллашу гына түгел, ә киләчәк мәктәп тормышына беренче аңлы адым да!
Бер яктан, бу шатлыклы, күптән көтелгән бәйрәм, икенче яктан – бераз моңсу вакыйга. Тәрбияләнүчеләрнең тагын бер тормыш баскычына күчүләре педагогларга шатлык китерә, ә моңсу – шундый сөйкемле, инде үз балаларына әверелгән нәниләр белән аерылышырга туры килә. Күптән түгел алар балалар бакчасына йөри башлаган кебек тоела, ләкин тиздән – булачак беренче сыйныф укучылары.
Түбән Ослан балалар бакчасының төрле яшьтәге өлкән төркемендә чыгарылыш кичәсе булды.
Чыгарылыш бәйрәме җылы, күңелне нечкәрткеч һәм дусларча шартларда узды. Бәйрәм чыгарылыш төркеме балаларының тантаналы чыгуы белән башланып китте – алар инде ничектер берьюлы үсеп киткәннәр: матурлар, җитдиләр, мәктәп укучыларына охшап калганнар. Бәйрәмдә алар балалар бакчасында үткәргән елларында алган белемнәрен, осталыкларын күрсәттеләр: җырладылар, шигырьләр сөйләделәр, биеделәр һәм уйнадылар.
Алда балаларны тагын бик күп яңа һәм мавыктыргыч вакыйгалар көтә, әмма бу бәйрәмне балалар гомерлеккә истә калдырачак!
Укучыларыбызга уңышлар телибез! Без сезнең белән горурланабыз һәм сезне бик яратабыз! Сез иң яхшылар!, - дип изге теләкләрен җиткерделәр балалар бакчасы хезмәткәрләре үзләренең яраткан тәрбияләнүчеләренә.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Читай «Волжскую новь» в Телеграм, Вконтакте, Одноклассники, Дзен
Нет комментариев