ТР мөселманнары Диния нәзарәте «Рамазан - игелекле гамәлләр ае» акциясен уздырачак
Якшәмбе, 10 мартта, ислам календаре буенча Рамазан ае җитә. Бу ай мөселманнар тормышында аерым роль уйный, чөнки нәкъ менә Рамазан аенда уразага керәләр.
Бу айда ТР мөселманнары Диния нәзарәте "Рамазан - изге эшләр ае" хәйрия акциясен уздырачак, дип хәбәр иттеләр мөфтият матбугат хезмәтендә. Казанда марафон кысаларында Татарстанда берничә чара узачак. Мәсәлән, 29 мартта XII Республика ифтары узачак, ул быел «Россия - Ислам дөньясы» стратегик күзаллау төркеме эгидасы астына күчте һәм РФ мөселман илләре белән халыкара элемтәләрне ныгыту бурычларын исәпкә алып үткәреләчәк.
Шулай ук мохтаҗлар өчен дә хәйрия ифтарлары, Татарстан мәчетләрендә ифтарлар, төзәтү колонияләрендә көндәлек ифтарлар узачак. Авыру балаларга, мохтаҗ һәм аз керемле гаиләләргә ярдәм күрсәтеләчәк.
Рамазан ае кояш баеганнан соң 10 мартта керәчәк. Шул сәбәпле Татарстан мәчетләрендә беренче таравих-намаз 10 мартта укылачак, ә мөселманнар икенче көнне ураза тотачак. Татарстанда Ураза гаете 10 апрельгә билгеләнгән.
Следите за самым важным и интересным в Telegram-каналеТатмедиа
Нет комментариев