Татарстанда ВИЧ-инфекциясе белән авыручылар саны арткан

Агымдагы ел башыннан Татарстанда 429 ВИЧ-инфекциясе авыруы ачыкланган. Бу 2022 елның шушы ук чоры белән чагыштырганда 7,9 процентка күбрәк. Мондый мәгълүматны төбәк буенча Роспотребнадзор идарәсе китерә. ВИЧ белән авыручылар саны 100 мең татарстанлыга арткан - 11,5 кә кадәр. 2022 елда ул 10,6 тәшкил иткән. 2022 елның гыйнварыннан июнь аена кадәр 394 кешедә инфекция тапканнар.

Шулай ук Роспотребнадзорда хәбәр итүенчә, йоктыруның яңа очраклары Әлки, Апас, Югары Ослан, Чүпрәле, Питрәч, Балык Бистәсе һәм Теләче районнарыннан башка барлык районнарда ачыкланган.

Гомумән алганда, республикада 29 мең ВИЧ-инфекциясе йоктыру очрагы теркәлгән, 8,8 мең  авыру үлгән, шул ук вакытта нәкъ менә ВИЧ  2,8 мең  татарстанлыларның үлеменә китергән.