Татарстанда торак-коммуналь хуҗалык һәм капиталь ремонт буенча ташламалар бар

Кем капиталь ремонтка кертемнәрдән тулысынча азат ителгән?

Федераль һәм төбәк законнары нигезендә түбәндәге татарстанлылар капиталь ремонт өчен түләми: 

• 80 яшьтән өлкәнрәк пенсионерлар - автомат рәвештә взнослардан азат ителә. 
• Авария хәлендәге йортларда торак милекчеләре - әгәр йорт яшәү өчен яраксыз дип танылган булса. 
• СССР, Россия Геройлары, Хезмәт һәм Дан ордены кавалерлары - торак-коммуналь хуҗалык һәм капремонт буенча тулысынча ташлама. 
• Реновация программасына кертелгән йортларда яшәүчеләр - әгәр бина җимерелергә яки реконструкцияләнергә тиеш булса. 
• Дәүләт ихтыяҗлары өчен алына торган торак милекчеләре – алу турында карар кабул ителгән вакыттан түләүдән азат ителә. 

Капиталь ремонт өчен кертемнәргә 50% ташламаны алучылар:

Гражданнарның кайбер категорияләре кертемнәр суммасының 50%  компенсацияләргә хокуклы: 

• 70 яшь тутырган пенсионерлар – эшкә сәләтле гаилә әгъзалары булмаган очракта. 
• I I һәм II группа инвалидлар - ташлама аларның торак мәйданына кагыла. 
• Бөек Ватан сугышы һәм сугыш хәрәкәтләре ветераннары. 
• ЧАЭСтагы авария ликвидаторлары һәм радиациядән зарар күрүчеләр. 
• Инвалид балалы гаиләләр - ташлама бала теркәлгән фатирга бирелә. 
• МХОда катнашучылар һәм аларның якын туганнары - ташлама гариза буенча бирелә.    

Ташламаны ничек рәсмиләштерергә?

Компенсация алу өчен: 

1. Документлар (паспорт, льгота таныклыгы, торак-коммуналь хуҗалык буенча бурычлар булмау турында белешмә) әзерләргә. 

2. МФЦга, дәүләт хезмәтләре сайты аша яки турыдан-туры идарәче компаниягә гариза бирергә. 

3. Карарны көтәргә - ташлама киләсе айдан гамәлгә керәчәк. 

Белү мөһим!

• Ташламалар кушылмый, мөмкин булганнарның иң зур суммалысы кулланыла. 
• Әгәр сезнең компенсациягә хокукыгыз булып, сез тулы сумманы түләвегезне дәвам иткәнсез икән, соңгы 3 елдагы түләүне кире кайтарырга мөмкин. 

Татарстанда гражданнарның кайбер категорияләре өчен торакка чыгымнарны киметергә ярдәм итүче социаль ярдәм эшләп килә. Мөмкинлекләрне социаль яклау бүлегендә яисә ТР Хезмәт һәм социаль яклау министрлыгы сайтында ачыкларга мөмкин.