Татарстанда Сәламәтлек атнасы: халык экспертларга сораулар бирә алачак

Республика халкы тармакның әйдәп баручы белгечләре һәм хакимият вәкилләре белән аралашу өчен уникаль мөмкинлек алачак.

10 мартта медицина экспертлары белән онлайн-очрашулар сериясе ачылачак. «Медицина инновацияләре һәм сәламәтлек саклаудагы казанышлар" темасына беренче вебинар «ВКонтакте»да рәсми кабул итү бүлмәсендә узачак. Модератор сыйфатында Дәүләт Советының Социаль сәясәт комитеты рәисе Светлана Захарова чыгыш ясаячак. Фикер алышуда Татарстан Сәламәтлек саклау министрлыгы һәм Росздравнадзорның территориаль бүлекчәсе вәкилләре катнашачак. Вебинар тәмамланганнан соң Дәүләт Думасы депутаты Татьяна Ларионованың шәхсән кабул итүе планлаштырылган.  

11 мартта медицинаның актуаль мәсьәләләре буенча фикер алышулар дәвам итәчәк. «Илнең санитар калканы – сәламәтлек өчен куркынычсызлык» вебинары шулай ук кабул итү бүлмәсе бергәлегендә онлайн форматта узачак. Очрашуны Дәүләт Советы депутаты һәм 12 нче ДКХ баш табибы Рамил Әхмәтов үткәрәчәк. Диалогка Роспотребнадзорның ТР буенча идарәсе белгечләре, «Биомед» дәвалау-диагностика үзәге экспертлары һәм «Волонтер-медиклар»ның Татарстан бүлеге җитәкчесе Анна Мөбәрәкшина кушылачак. Аннары сенатор Александр Терентьев катнашында гражданнарны шәхси кабул итү булачак.

12 мартта халыкка Дәүләт Думасы депутатлары Марат Нуриев, Рөстәм Кәлимуллин, Айдар Метшин һәм Илья Вольфсон белән шәхси аралашу мөмкинлегеннән файдаланырга тәкъдим итәчәкләр.

13 мартта фикер алышуның темасы сугышчан хәрәкәтләр ветераннарына медицина ярдәме күрсәтү булачак. Вебинар Дәүләт Советы депутаты, Россия Герое Рәсим Баксиков җитәкчелегендә узачак. Чарада ТР Сәламәтлек саклау министрлыгы, ОМС Фонды вәкилләре, шулай ук Казанның Сугыш ветераннары өчен госпиталь табиблары катнашачак. Кичен гражданнарны махсус кабул итү булачак.   

Атнаның йомгаклау көне, 14 март, Дәүләт Думасы депутатлары Максим Топилин һәм Анатолий Ивановның шәхси кабул итүләре белән тәмамланачак.

Теләге булган һәркем, Казан, Карл Маркс ур., 31/7 адресы буенча урнашкан җәмәгать кабул итү бүлмәләрендә булып, мөрәҗәгатьне калдыра һәм консультация ала алачак. Шулай ук сораулар бирү өчен 8 (843) 238-10-00 кайнар линия телефоны һәм электрон почта бар - op@tatarstan.er.ru.

Бу атнада республика халкы өчен мөһим вакыйга булачак: сәламәтлек саклау өлкәсендә профессионаллар һәм хакимият вәкилләре белән турыдан-туры диалог мөмкинлеге бирәчәк.