Районда юллар төзекләндереләчәк

2025 елда «Яшәү өчен Инфраструктура» милли проектын гамәлгә ашыру кысаларында Татарстан Республикасының Югары Ослан районында «Казан – Ульяновск» - Ключище автомобиль юлы участогына капиталь ремонт ясау планлаштырыла.

Проект гомуми озынлыгы 1,9 километр булган юл өслеген модернизацияләүне, шулай ук 140 метр озынлыктагы участокта ясалма яктырту урнаштыруны күздә тота.

Әлеге проектны гамәлгә ашыруга 55,7 миллион сум күләмендә финанс ресурслары бүлеп бирелгән. Бу акчалар әлеге төбәктә транспорт хәрәкәте шартларын яхшыртуга һәм юл хәрәкәте иминлеген тәэмин итүгә юнәлдереләчәк.

Юлны капиталь ремонтлау юл өслеген алыштыруны, нигезен ныгытуны, барьер киртәләре куюны һәм юл билгеләрен ясауны үз эченә ала. Ясалма яктырту җайланмасы тәүлекнең караңгы вакытында хәрәкәт куркынычсызлыгын арттырырга һәм трассаның гомуми яктыртылуын яхшыртырга мөмкинлек бирәчәк.