Районда юбилей медальләрен тапшыру башланды
Югары Ослан. Татарча

Районда юбилей медальләрен тапшыру башланды

Югары Ослан районында Бөек Ватан сугышында җиңүнең 80 еллыгына багышланган чаралар башланды.

Истәлекле датаны бәйрәм итү кысаларында 46 ветеран “1941-1945 еллардагы Бөек Ватан сугышында Җиңүгә 80 ел” юбилей медальләренә лаек булачак. Бүләкләнүчеләр арасында - фронтовикларның тол хатыннары, тыл хезмәтчәннәре һәм язмышлары илебезнең героик тарихы белән тыгыз бәйләнгән сугыш балалары.

Мактаулы бүләкне беренче булып Татар Борнашы авылында яшәүче Нурсания Хисмәтулла кызы Гөбәева алды.

- Бүген бөек Ватаныбыз тарихының бу кыйммәтле битләрен киләчәк буыннар күңелендә саклап калу мөһим генә түгел, бәлки бик кирәкле безнең вазыйфабыз. Юбилей медальләрен тапшыру - ул безнең истәлегебез, үз җиренең һәм балаларының киләчәге өчен күп нәрсәләргә - яшьлекләрен, шатлыкларын, тынычлыкларын һәм хәтта гомерләрен корбан иткән кешеләр алдындагы бурычыбыз. Аларның фидакарьлегеннән безнең хәзерге дөньяның чын кыйммәте һәм тынычлыгы билгеләнә. Бу кешеләргә безнең рәхмәтебез чиксез булырга тиеш, - дип саный район башлыгы Евгений Варакин.

«1941-1945 еллардагы Бөек Ватан сугышында Җиңүгә 80 ел» медальләрен тапшыру апрель ахырына тәмамланыр дип планлаштырыла.


Нет комментариев