Районда «Батырлык тартмасы» акциясе бара

Аның максаты - хастаханәләрдә һәм хосписларда озак вакыт һәм катлаулы чирләрдән дәваланучы балаларга ярдәм итү. Һәр авыр процедурадан соң кечкенә герой әлеге «тартма»дан зур булмаган, ләкин аның өчен шундый мөһим бүләк - кыюлык символы һәм ныклык өчен бүләк сайлый ала. Татарстан Республикасы профсоюз оешмасы барлык әгъзаларын һәм битараф булмаган дусларын бу изге эштә актив катнашырга чакыра.

Тартмага нәрсәләр салырга була?

* Зур булмаган уенчыклар (ләкин: йомшак уенчыклар ярамый)

* Канцелярия товарлары (ручкалар, фломастерлар, блокнотлар, буяулар һ. б.)

* Өстәл уеннары

* Иҗади җыелмалар (мәсәлән, ябыштыру, рәсем ясау, аппликация өчен).

Бүләкләрне 2025 елның 25 ноябренә кадәр китерергә була.

Әйберләрне яхшы төрелгән килеш (мәсәлән, тартмада яки пакетта) китерү сорала.

Безнең уртак тырышлыгыбыз балаларга үз көчләренә ышанырга һәм тизрәк терелергә ярдәм итсен! Бергәләп без аларга бераз шатлык һәм батырлык бүләк итә алабыз! , – дип мөрәҗәгать итәләр акцияне оештыручы “Салават күпере” тәрбияләнүчеләре һәм хезмәткәрләре.