Район Башлыгы авыл хуҗалыгы эшчәннәре белән очрашты

Киңәшмә барышында авыл хуҗалыгы һәм азык-төлек идарәсе башлыгы Гобәйдуллин Рәшит Галимҗан улы агросәнәгать комплексындагы эшләргә якынча йомгак ясады. Ел нәтиҗәләре уңай булыр дип көтелә. Аерым алганда, авыл хуҗалыгы продукциясен җитештерү күләме якынча 1.890 млрд. сум тәшкил итәчәк. Үсемлекчелектә һәм ит җитештерүдә уңай нәтиҗәләр көтелә. Идарә башлыгы шулай ук Яңа ел бәйрәмнәрендә хуҗалыклар эшен оештыру җитәкчеләренең игътибарын, аеруча хезмәт дисциплинасын үтәүгә, янгын куркынычсызлыгы буенча чараларны көчәйтүгә, белгечләрнең кизү торуын оештыруга юнәлтте.

Киңәшмәгә йомгак ясап, Евгений Анатольевич барлык авыл хуҗалыгы оешмаларының җитәкчеләрен, соңгы көннәрдәге вакыйгаларны исәпкә алып, терлекчелек объектларында тәртип һәм технологик процессларны бозуларга юл куймаска өндәде. Җитәкчеләрне һәм барлык катнашучыларны якынлашып килүче Яңа ел белән котлады.

“Яңа 2026 елда сезнең алда куелган барлык бурычлар җиңел хәл ителсен, иң изге теләкләрегез чынга ашсын! Сезгә яхшы кәеф, һөнәри уңышлар, яңа оригиналь идеяләр, хезмәттә җиңүләр һәм казанышлар телим! Гаиләләрегездә һәрвакыт тынычлык һәм үзара аңлашу, муллык, мәхәббәт һәм гармония булсын! Сезгә һәм якыннарыгызга нык сәламәтлек, бәхет һәм иминлек телим!”, -  дип теләкләрен җиткерде район башлыгы Е.А.Варакин.