Печище авылы мәдәният йорты мөдире Галина Полякова мәктәпнең 1 нче сыйныф укучылары өчен экологик сәгать үткәрде.
Чара әңгәмәдән башланды, аның барышында балалар кошларның күптөрлелеге турында белделәр. Канатлы кошларның табигатькә һәм кешегә китергән файдасы турында сөйләде. Балалар плакатларда кошларның тышкы кыяфәте белән таныштылар, Татарстанда тереклек итүче кошлар турында белделәр.
Аннары балалар викторинада катнашып, «Кайсы кошны зирәклек символы дип саныйлар», «Кайсы кошны иң яхшы җырчы дип саныйлар» кебек һәм башка бик күп сорауларга җавап бирделәр. Шулай ук кошлар турындагы табышмакларны чиштеләр. Шулай ук «Кышлаучы», «Күчеп йөрүче» бүлекләреннән торган интеллектуаль уен уздырылды. Катнашучылар бездә кышлый торган, ә кайсылары җылы якларга оча торган кошларның исемнәренә карап билгеләргә өйрәнделәр.
Укытучы Олҗга Николаева балалар белән бергә Татарстанда үсә торган үсемлекләр күрсәтелгән плакатларны карады. Укучылар үзләренә таныш булган үсемлекләрне атадылар. Чара азагында ул балаларга тиздән салкыннар җитәчәген һәм кошларга җимлекләр ясарга һәм аларны ашатырга кирәклеген искәртте.
Нет комментариев