Октябрьский мәктәбендә террорчылыкка каршы профилактик әңгәмә үтте

Әңгәмәләр барышында сыйныф җитәкчеләре укучыларга кешеләр тупланган урыннарда, интернетта һәм социаль челтәрләрдә таныш булмаган кешеләр белән аралашканда үз-үзләрен тоту кагыйдәләре турында искәртте. Балалар мәктәптә теракт вакытында ничек тотарга икәнлеге турында белешмә һәм аңлатмалар алдылар: 

• Теләсә кайсы гадәттән тыш хәл вакытында укытучыны тыңлау мәҗбүри.
• Сыйныф бүлмәләрендә эчтән бикләнергә, парта асларына яшеренергә һәм ярдәм көтәргә.
• Телефоннарны сүндерергә.
• Кычкырмаска, еламаска һәм әгәрдә алар сыйныфка үтеп кергән булса, террорчыларның ачуын чыгармаска һәм кичекмәстән азат итүне таләп итмәскә.
• Беркая да йөгермәскә! Идәнгә, парта астына ятарга мөмкин.
• Штурм вакытында яктылы-тавышлы гранаталар кулланырга мөмкиннәр. Бу очракта идәнгә егылыгыз, күзләрегезне йомыгыз, кулларыгыз белән башыгызны каплагыз һәм ярдәм көтегез.

Игътибарлы булыгыз! Үзегезне һәм якыннарыгызны саклагыз!