Октябрьский балалар бакчасында «Сак булыгыз, юка боз!” әңгәмәсе үткәрелде

Көзге-кышкы чорда су объектларында куркынычсызлык кагыйдәләрен үтәмәү еш кына фаҗигагә китерә. Балаларның тормышы һәм сәламәтлеге иминлеген тәэмин итү мәктәпкәчә тәрбиянең төп максаты булып тора.

Октябрьский бистәсе балалар бакчасының кече төркемендә көзге һәм кышкы сулыкларда куркынычсызлык кагыйдәләре дәресе үткәрелде. Анда балалар төрле рәсемнәрне карадылар. Уен формасында юка бозлы сулыкларга эләккән очракта, балалар белән килеп чыгарга мөмкин булган фаҗигаләр турында фикер алыштылар.

Шулай ук "Хайваннар бәлагә очрады", "Балаларыбыз бозда" очракларын тикшерделәр. "Сак булыгыз, юка боз!" темасына әңгәмә үткәрелде. Тәрбияләнүчеләрнең ата-аналары өчен "Сак булыгыз, юка боз!” дигән белешмәләр тәкъдим ителде.