Минем бабам Муса Җәлил белән таныш булган

Татарстан журналистлары Җиңү көненә игълан иткән «МойГеройМояСемья» акциясе дәвам итә. Бу бәйрәм алды көннәрендә республика редакцияләре хезмәткәрләре үзләренең якыннары - Бөек Ватан сугышы солдатлары, тыл каһарманнары, бу куркыныч елларда үз өлешләренә эләккән авырлыклар турында социаль челтәрләрдә истәлекләр бастыра. 

Үзенең бабасы Гайнан Насыйров турында Илназ Акбиров искә ала.

 "Минем әбиемнең әтисе Гайнан Насыйров - безнең гаилә каһарманы. 1942 елда 18 яшьтә фронтка китә һәм шул ук елны ул башка совет солдатлары белән әсирлеккә эләгә, анда аларны "Идел-Урал" легионына керергә үгетлиләр. Бабай Муса Җәлилне күргән, ләкин аның шагыйрь икәнен белмәгән, ул үзен танышканда Муса дип атаган, - ди ул. Әсирлектә кичергән газапларга, сугыштан соң Себердә авыр эшләрдә эшләвенә карамастан, бабабыз кешелекле булып калды, ә иң мөһиме, ул гомер буе туган авылына һәм халкына тугры булып хезмәт итте. Минем әбиемнең әтисе минем өчен көчле рухлы кеше буларак үрнәк булды, аның белән мин горурланам. Күп еллар инде ул безнең арада юк, әмма безнең зур гаиләбез ел саен 9 майда бабай төзегән зур йортта җыела", - дип язган Илназ.