Мәмәтхуҗада хат ташучыны хөрмәтләделәр

Мәмәтхуҗа авылы мәдәният йорты хезмәткәрләре акциягә кушылып, әлеге көнгә карата тематик сәгать үткәрделәр. Сәнгать җитәкчесе Татьяна Никитушкина балаларга Бөтендөнья почта көне почта хезмәткәрләре өчен бәйрәм генә түгел, ә заманча җәмгыятьтә аралашу һәм элемтәләрнең мөһимлеген аңлау өчен менә дигән мөмкинлек булуын сөйләде. Почта дөньяда төп бәйләүче буынның берсе булып тора һәм булып кала бирә, ул хатлар һәм газеталар гына түгел, ә хис-кичерешләр һәм мөһим яңалыклар китерә. Хәзерге җәмгыятьтә почтаның кайбер функцияләре цифрлы мохиттә бүленгән булса да, ул барыбер кешеләрне һәм бизнесны тоташтыручы ышанычлы күпер булып кала.

Мәдәният йорты хезмәткәрләре Мәмәтхуҗа авыл җирлеге хат ташучысы Фәридә Әхмәдиеваны 11 ел бу өлкәдә эшләүче һөнәри бәйрәме белән котладылар. Фәридә Фәрит кызы мәктәпне тәмамлаганнан соң бухгалтерлыкка укыган һәм 1989 елдан 2014 елга кадәр авыл хуҗалыгында бухгалтер булып эшләгән. 2014 елда Яңа Рус Мәмәтхуҗасы авыл җирлегендәге Россия почтасына эшкә килә. Ул өч авылга хезмәт күрсәтә, кешеләр белән даими аралаша, еллар узу белән ул халыкның якын кешесенә әверелә, аларны тыңлый, киңәшләрен бирә, ә авылның олы кешеләре - бабайларга һәм әбиләргә игътибар һәм кайгырту кирәк.

Чарада катнашучылар Фәридә Фәрит кызына алдагы тормышында һәм эшендә нык сәламәтлек, бәхет һәм иминлек теләделәр.