Мәмәтхуҗада «Россия канатлары» чарасы узды
Татарстан Республикасында хәрби һәм хезмәт батырлыгы елы кысаларында Мәмәтхуҗа авылы мәдәният йортында яшьләр өчен үзенчәлекле көн үткәрелде.
Сәнгать җитәкчесе Зөлфия Миндубаева Хәрби-һава көчләре көненә багышланган "Россия канатлары" дип исемләнгән мавыктыргыч чара оештырды. Әңгәмә барышында укучылар илебезнең хәрби авиациясе барлыкка килү тарихы белән таныштылар. Алар гаскәрләрнең төрләре турында белделәр, шулай ук Хәрби-Һава Көчләренең техника гына түгел, ә барыннан да элек көндәлек хезмәтләре белән тыныч күкне тәэмин итә торган кешеләр булуын аңладылар.
Балалар атаклы очучыларның героик тарихлары белән таныштылар, шулай ук табышмакларга һәм авиация белән бәйле сорауларга җавап биреп, үзләренең зирәклекләрен күрсәтә алдылар. Мондый очрашулар үсеп килүче буында патриотик хисләр формалаштыруда мөһим роль уйный һәм очучы, штурман, инженер яки техник кебек һөнәрләргә чын күңелдән кызыксыну уята.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Читай «Волжскую новь» в Телеграм, Вконтакте, Одноклассники, Дзен
Нет комментариев