Кызыл Байракта кроссвордлар чишү белән кызыксындылар

Кызыл Байракта Эрудит көненә кроссвордлар төзү һәм чишү буенча викторина үткәрелде.

Инглизчәдән тәрҗемә иткәндә кроссворд - сүзләрнең кисешүен аңлата. Хәзерге вакытта кроссвордларның бик күп төрләре бар, алар җавапларның формасы һәм төзелеше белән аерылалар.

Чарада кроссворд барлыкка килү тарихы белән таныштылар.

Балалар кроссвордның нинди төрләре барлыгын, кроссворд турында кызыклы фактлар, мәсәлән, кайсы кроссворд иң зурысы санала, төзелгән кроссвордлар саны буенча кем алда бара икәнен белделәр , кроссвордларның мәгънәсен һәм файдасын ачыкладылар.

Кроссвордларны чишкәндә әкиятләрне, хайваннарны, мультфильм геройларын, тарих фактларын, юбилей даталарын һәм башкаларны искә төшерделәр. 

Балалар кроссвордлар һәм ребуслар чишүдә ярышып кына калмадылар, аны үзләре дә төзеделәр.

Кроссвордлар чишелеше хәтерне күнектерә һәм дөньяга карашны киңәйтә. Кроссвордларның кайбер төрләре зирәклек һәм ассоциатив фикерләү үсешенә ярдәм итә. Табиблар күптән инде кроссвордны тынычландыра торган чара буларак куллана башладылар. Кроссвордларны куллану өлкәсе даими рәвештә киңәя, аларны шул исәптән һөнәри сыйфатларны сынау өчен дә кулланалар.

Бүген төрле башваткычларны чишүгә кызыксыну бөтен җирдә күзәтелә. Россиядә генә дә төрле катлаулылыктагы кроссвордлар, классик һәм оригиналь төрләре: ачык, ябык, чайнвордлар, сканвордлар, кросс-чайнвордлар бастырып чыгаручы 400 гә якын басма бар.