Корбан гаете: корбан итен ничек дөрес бүләргә

Кайчан һәм кайда корбан чалырга мөмкин?

* 2025 елның 6,7 һәм 8 июне.

* Казанда 17 махсус җиһазландырылган мәйданчыклар булачак (адресларны мөфтияттә яки җирле мәчеттә ачыклап була).

Әгәр йоланы мөстәкыйль үткәрү мөмкинлеге булмаса, моны мөфтияткә хайван бәясен түләп тапшырырга мөмкин. 

Корбан итен ничек бүләргә?

Ислам кануннары буенча, итне өч тигез өлешкә бүләргә кирәк:

1. Мохтаҗларга (мәҗбүри өлеш)

 Беренче чиратта итнең 1/3 өлеше аз керемлеләргә, ятимнәргә, күп балалы гаиләләргә яки хәйрия оешмаларына бирелергә тиеш.

 Күбрәк тә бирергә була – бу сәдака булып санала һәм хуплана.

2. Туганнарга һәм дусларга

Тагын бер өлешен туганнарны, күршеләрне һәм кунакларны сыйлау өчен калдырырга мөмкин.

Исламда туганлык бәйләнешләрен ныгытып, ризыкны бүлешү мөһим.

3. Үз гаиләң өчен

Соңгы өлешне гаилә өстәле өчен калдыралар.

 Итне туңдырырга, аннан консервалар ясарга була.

Мисал: түшкәнең авырлыгы 24 кг булса, аның һәр өлеше 8 кг тәшкил итәчәк.

Мөһим кагыйдәләр

Итне сатарга ярамый – ул бүләк ителергә яки ризык итеп кулланылырга тиеш

Хайван тиресен шулай ук хәйриягә бирергә яки шәхси ихтыяҗлар өчен кулланырга мөмкин (ләкин сатмаска).

 Сөякләрне һәм калдыкларны күмәргә яки утильләштерергә кирәк.

Мөфтият аша корбан чалу

Әгәр йолада шәхсән катнашу мөмкинлеге булмаса,:

1. Иганә кертергә (хайван бәясе).

2. Белгечләр корбанны үзләре чалачак һәм итне мохтаҗларга таратачак.

 Бу:

* Шәһәрдә яшәгән һәм сую мәйданчыкларына керә алмаган,

* Корбанны чалуда физик яктан катнаша алмаган кешеләр өчен уңайлы.

Ни өчен бу мөһим?

Корбан гаете - бәйрәм генә түгел, ә мөселманнарның мәрхәмәт һәм бердәмлек акты.

Итне дөрес итеп бүлү:

- Ярлыларга һәм социаль яктан якланмаганнарга ярдәм итә.

 - Бердәмлекне  ныгыта.

- Хәйриячелекнең мөһимлеген искә төшерә.