Китапханәдә “Спортны сайлау-сәламәтлекне сайлау” күргәзмәсе эшли

Спорт - ул хәрәкәт, бу тормыш, бу сәламәтлек! Бүген актив яшәү рәвеше алып бару, яхшы физик форманы саклап калу, спорт белән шөгыльләнү модага керде.

 Район үзәк китапханәсендә Физкультура көне уңаеннан “Спортны сайлау- сәламәтлекне сайлау!" күргәзмәсе оештырылды. Күргәзмәдә төрле спорт төрләре: шахмат, шашка, тимераякта шуу, волейбол, бокс, гимнастика, узган елгы спортчыларның казанышлары һәм башкалар турында мәгълүмат тәкъдим ителде. Бу басмалар яшьләргә спортның серле дөньясын ачарга ярдәм итәчәк. 

Спорт турындагы китаплар - ышанычсызлыкны, ялкаулыкны, куркуны, ягъни кешеләр гомер буе көрәшкән тискәре сыйфатларны җиңү турындагы китаплар. Шуңа күрә спортчыларга да аерым мөнәсәбәт - спортта югары нәтиҗәләргә ирешү өчен нык ихтыяр кирәк.