Китапханәдә Фаил Шәфигуллинга багышланган күргәзмә эшли

Күргәзмә язучының тормышы һәм иҗаты, аңа танылу китергән әсәрләре белән таныштыра. Бу хикәяләр җыентыклары, «Авылым сандугачы», «Каен яктысы», «Тау битендә күләгә»,  шулай ук юмористик һәм сатирик җыентыклары «Күзгә карап», «Башыма кар», «Бер атуда - ике куян». Алар 1970-1980 елларда татар прозасының аерым юнәлешен төзегән әсәрләр. 

Фаил Шәфигуллин үз әсәрләрендә хәзерге заман тормышының авырткан урыннарын төгәл билгели: кешеләрнең күңелләрендә тирән җәрәхәт калдырган сугыш нәтиҗәләре, яхшы тормыш эзләп киткән авылдашлары белән аерылышу нәтиҗәсе булып буыннарның рухи бәйләнеше өзелү, әхлакый нигезләрен какшату.

Татар язучысы Фаил Шәфигуллин иҗаты белән танышырга теләүчеләрнең барысын да китапханә күргәзмәгә чакыра.