Россиядә Халыклар бердәмлеге көне ел саен 4 ноябрьдә билгеләп үтелә.
Бу бәйрәм 1612 ел вакыйгалары хөрмәтенә куелган, ул вакытта Козьма Минин һәм Дмитрий Пожарский җитәкчелегендәге халык ополчениесе Мәскәүне поляк интервентларыннан азат иткән. Халыклар бердәмлеге көне - көзнең төп дәүләт бәйрәме. Бу көн Россия өчен бик мөһим. Халыклар бердәмлеге көне - Балаларны Россиядәге милләтләрнең күптөрлелеге, гадәти булмаган традицияләр, гореф-гадәтләр һәм мәдәният белән таныштыру өчен менә дигән сәбәп. Патриотлык, үзара ярдәмләшү, дуслык - бәйрәмнең төп өлешләре.
"Каенкай" балалар бакчасында Халыклар бердәмлеге көненә багышланган бәйрәм узды. Балалар бәйрәмнең тарихын белеп кенә калмадылар, Россиянең төрле халыкларының уеннары уйнап, күңелле вакыт үткәрделәр. Балалар мордваларның "Куян сикерүләре", чувашларның "Жмурки” , татарларның "Түбәтәй", казахларның "Атта чабышлар" уеннарын дәртләнеп уйнадылар. Бәйрәм дуслык әйлән-бәйләне белән тәмамланды.
Балалар белән уздырыла торган әлеге чаралар мәктәпкәчә яшьтәге балаларда толерантлык, башка милли мәдәниятләргә карата кызыксыну һәм хөрмәт хисе формалаштыруга, җирдә, Россиядә, тирә-якта яшәүче төрле милләт кешеләре белән уртаклык, дуслык һәм бердәмлек хисе тәрбияләүгә юнәлдерелгән.
Нет комментариев