“Каенкай” балалары Җиңү көнен төрле чаралар белән каршы алдылар

Атна башында тәрбиячеләр сугыш турында презентация күрсәттеләр, балаларның Георгий тасмасы, Җиңү тәрәзәләре турындагы белемнәрен тулыландырдылар, алар Геройлар Паркына һәм Мәңгелек ут янына экскурсияләрдә булдылар, шулай ук «Җиңүле май» темасына рәсемнәр күргәзмәсе оештырылды.  Балаларның атнасы бик бай һәм белемле булды.  Әлеге чаралар балаларда «Җиңү көне» бәйрәме турында белем формалаштыру максатында үткәрелә. Кечкенәдән балаларга үз иле өчен горурлык хисләре тәрбияләнә. Һәр педагогның бурычы - балаларга Бөек Ватан сугышы турында мәгълүмат җиткерү, Ватанны саклаучылар, армия функцияләре турында белемнәрен киңәйтү, ветераннарга карата горурлык һәм хөрмәт тәрбияләү, балаларның сөйләмен, сугыш турындагы җырлар аша сүзлек запасын баету, Ватан өчен, халкыбыз өчен горурлык хисе формалаштыру. 

Балалар шулай ук зур теләк белән «Җиңү тәрәзәсе» Бөтенроссия акциясендә катнаштылар. Бу чара балалар өчен иҗади процесс кына түгел, ә үз илебез тарихына һәм Бөек Ватан сугышы геройларына хөрмәт, истәлек дәресе дә булды. Һәр гаилә бу эшкә фантазия белән килде, балалар бик тырышып бәйрәм символларын - Георгий тасмаларын, Кызыл йолдызларны, Тынычлык күгәрченнәрен, Мәңгелек утны һәм котлау язуларын кисеп ябыштырдылар. Һәркем үз эшенә күңеленең бер өлешен салды, тәрәзәләрне якты һәм тантаналы итәргә тырышты һәм нәтиҗәдә тәрбияләнүчеләрнең йорт тәрәзәләре аеруча балкыды. Акциядә катнашу балалар өчен мөһим вакыйгага әверелде. Мондый уртак иҗат иҗади сәләтләрне үстереп кенә калмый, буыннар арасындагы элемтәне ныгыта, үз гаиләсенең һәм илебезнең тарихына хөрмәт тәрбияли. «Җиңү тәрәзәләре» Бөтенроссия акциясе - һәркем өчен тыныч тормышка хокукыбызны яклаган кешеләргә хөрмәт йөзеннән йортларның, мәгариф, мәдәният оешмаларының һәм җәмәгать урыннарының тәрәзәләрен тематик яктан бизәү мөмкинлеге ул. «Җиңү тәрәзәләре» акциясендә катнашып, балалар җиңүчеләр буынына тирән ихтирам күрсәтеп кенә калмый, ә бәлки саклык белән генә эстафетаны мәктәпкәчә яшьтәге яшь буынга тапшыру да ул.  Акциядә катнашу белән сабыйлар Бөек Ватан сугышы Геройларының батырлыкларын искә ала.