«Каенкай» балалар бакчасында ветеринар һөнәре белән таныштылар

Балалар бакчасының өлкән группасында тәрбияләнүчеләр Югары Ослан районы дәүләт ветеринария берләшмәсе табибы Долгушова Светлана Николаевнаны каршы алдылар.

Светлана Николаевна балаларны ветеринария табибы һөнәре белән таныштырды. Балалар иң танылган әкияти ветеринар – доктор Айболитны искә алдылар.

Балаларда бу белгечләрнең нәрсә белән шөгыльләнүе һәм аларның хайваннарга ничек ярдәм итүе зур кызыксыну уятты.

Светлана Николаевна балаларга ветеринарларның йорт хайваннарын гына түгел, кыргый хайваннарны да дәвалаулары турында сөйләде. Алар этләргә, мәчеләргә, куяннарга, хәтта зур филләргә һәм китларга да ярдәм итәләр. Балалар моның өчен ветеринарларның төрле инструментлар: шприцлар, пинцетлар, скальпельләр һәм башка бик күп нәрсәләр куллануын белделәр.

Аннары Светлана Николаевна һәр балага ветеринар булып карарга һәм үзләренең йорт хаһваннарына ветеринария тикшерүе уздырырга тәкъдим итте. Әлеге тәкъдим балаларга бик ошады. Алар үзләренең хайваннарын игътибар белән карадылар һәм алар терелсен өчен барлык кирәкле процедураларны үткәрделәр.

Балалар бакчасы тәрбиячеләре һәм балалары Светлана Николаевнага үзенең искиткеч һөнәре турында кызыклы, яратып сөйләгәне өчен, шулай ук һәр балага үзен чын Айболит итеп тоярга мөмкинлек биргәне өчен рәхмәт белдерә.