Юрий Гагарин: Кеше - легенда

Мәдәният йорты мөдире Гөлназ Фәттахова балаларга беренче космонавтның балачак һәм яшүсмер еллары турында, аның күккә мәхәббәте, максатчан егетнең үз хыялына ирешеп, дөнҗядагы беренче космонавт булуы турында сөйләде. Аның 108 минут "Восток-1" космик кораблендә Җир тирәли очып йөрүе кешелек тарихында күренекле вакыйгага әверелде. 

Чарада катнашучылар “Серле космос” викторинасы сорауларына җавап бирделәр, космик табышмакларга җавап таптылар. Чара азагында мөдир Юрий Гагарин исеменең космик эра символы, батырлык һәм каһарманлык, үз халкына тугрылык үрнәге булуын тагын бер кат искәртте.