Югары Осланда Республика көнен ничек билгеләп үтәчәкләре билгеле булды

Район мәдәният бүлеге җитәкчесе Диана Әхмәтшина хәбәр иткәнчә, бәйрәм көнендә район үзәге халкы һәм кунаклары өчен бай һәм кызыклы программа әзерләнгән.

Бәйрәм 16:00 сәгатьтә район мәдәният йорты янындагы "НадоПаркИнде" җәмәгать киңлегендә башлана. Биредә бөтен гаилә өчен музыкаль-уен программасы узачак. Шулай ук бәйрәм сәүдәсе, милли уеннар, спорт конкурслары, призлар, мастер-класслар, яшь артистлар чыгышы оештырылачак.

Бәйрәм программасы Идел яр буенда (коткаручылар посты янында) дәвам итәчәк.

"Кичке программа 19.00 сәгатьтә башлана һәм уеннар, конкурсларга бай булачак – җиңүчеләрне һәм актив катнашучыларны призлар көтә. 20.00 сәгатьтән 22.00 сәгатькә кадәр халыкны концерт программасы һәм дискотека көтә. Үз җырларын ТР атказанган артисты Владимир Шнитко һәм Sunrise кавер-төркеме тәкъдим итәчәк», - диде Диана Вадимовна.

Моннан тыш, Әхмәтшина кичке программа дәвамында фуд-корт эшләячәген, шулай ук мул сыйлы өстәлләр әзерләнәчәген хәбәр итте. Бәйрәм программасы 22.00 сәгатьтә Казансу елгасы яр буеннан салют белән тәмамлана.