Югары Ослан районында янгынга каршы махсус режим урнаштырылачак

Югары Ослан районының башкарма комитетында ТР Куркынычсызлык советы, республиканың террорга каршы комиссиясе һәм Татарстанның оператив штабы карары кысаларында Югары Ослан районында 2024 елның 18 октябреннән 26 октябренә кадәр янгынга каршы махсус режим урнаштырылачак дип хәбәр иттеләр. 

Махсус режим гамәлдә булган чорда кайбер тыюлар һәм чикләүләр гамәлдә булачак. Катгый тыю вакытында учаклар ягу, каты көнкүреш калдыкларын, коры үләннәрне һәм чүп-чарны яндыру, шулай ук азык әзерләү өчен ачык ут куллану тыела. Мондый гамәлләр урман янгыннарына һәм башка ландшафт (табигый) янгыннарга янаган торак пунктларда, балалар ялы һәм аларны сәламәтләндерү оешмаларында территорияләрендә, СНТ территориясендә, шулай ук урман массивлары белән чиктәш икътисад объектларында тыелачак. Ачык утта ризык әзерләүнең мангаллар һәм башка җайланмаларны куллануны тыю, предприятие территориясендә алардан файдалану шарты белән, җәмәгать туклануы объектларына гына кагылмаячак. 

Моннан тыш, бу чорда 1-3 класслы хәвефлелектәге пиротехника эшләнмәләрен куллану һәм урман массивлары, оешмалар һәм предприятиеләр, шулай ук бакча ширкәтләрендә һәм балаларның ял итү һәм сәламәтләндерү урыннарында салют һәм фейерверклар җибәрү тыелачак.