Югары Ослан районында балаларны полиция Кыш бабае котлады

«Полиция Кыш бабае» бөтенроссия акциясе ел саен декабрь азагы - гыйнвар башында үткәрелә һәм аеруча игътибар һәм ярдәм таләп ителгән яшь гражданнарга ярдәм күрсәтүгә юнәлдерелгән.  

Илнең барлык төбәкләрендә хокук саклаучылар һәм җәмәгатьчелек вәкилләре балаларны Яңа ел һәм Раштуа бәйрәмнәре белән котлыйлар һәм аларга яңа ел бүләкләре тапшыралар. Кыш Бабай балалар йортларына, социаль приютларга, шулай ук авыр тормыш хәлендә калган гаиләләрнең балаларына килә. Россия Федерациясенең яңа төбәкләрендә хокук тәртибен тәэмин итүче эчке эшләр органнары хезмәткәрләренең, шулай ук хезмәт бурычын үтәгәндә һәлак булган хезмәттәшләренең балалары да игътибарсыз калмый. 

Акцияне, гадәттәгечә, Россия Эчке эшләр министрлыгының "Югары Ослан" муниципаль берәмлегендә дә хупладылар. Полиция хезмәткәрләре 30 дан артык яңа ел пакеты әзерләп  бүләк иткәннәр.

"Без балаларга бүләкләр тапшырдык кына түгел, ә формаль булмаган аралашу вакытында  балалар һәм аларның ата-аналары һәм опекуннары белән сөйләшәбез. Аларга урамда һәм юл буйлап йөргәндә куркынычсызлык кагыйдәләрен үтәү турында тагын бер кат искә төшердек. Барлык гаиләләр дә бүләкләр белән генә түгел, ә аларга күрсәтелгән игътибар белән дә канәгать калдылар ", - дип билгеләп үтте  өлкән инспектор Аида Колезнева.