Югары Ослан районы полициясе яңа бинага күчте

"Бүгеннән полиция хезмәткәрләре Югары Ослан авылы, Чехов урамы, 98 нчы йорт адресы буенча урнашкан яңа бинада эшкә керештеләр. Ориентир – Сады-3 микрорайоны каршындагы яңа электр подстанциясе. Яңа бинада полициянең барлык бүлекчәләре урнашкан, шул исәптән Дәүләт автоинспекциясе һәм миграция мәсьәләләре буенча бүлек (элек Югары Ослан үзәк район хастаханәсе янында урнашкан иде)", - дип хәбәр итте полиция муниципальара бүлеге юрисконсульты Ирина Плеханова.

Ул шулай ук яңа полиция бинасының тантаналы рәвештә рәсми ачылышы киләсе атнада узачагы, чарада республиканың беренче затлары катнашуы көтелүе турында сөйләде.