Югары Ослан архивы җиңүче

2025 елның октябрь башында Татарстан Республикасында «Татарстан Республикасында архив эшен үстерү» буенча конкурста катнашучыларның проектларын ачыктан-ачык яклау узды. Ул Татарстан Республикасы дәүләт программасы кысаларында муниципаль архивларга ярдәм алуга ел саен үткәрелә торган конкурс. Конкурс Татарстан Республикасы архив эшләре буенча Дәүләт комитеты тарафыннан үткәрелә.

Чара тугызынчы мәртәбә уздырыла һәм алдынгы архив технологияләрен кертүгә, заманча җиһазлар һәм техниканы үзләштерүгә, муниципаль дәрәҗәдә архив эшен оештыруда уңай тәҗрибәне таратуга, шулай ук муниципаль архив җитәкчеләренең һәм хезмәткәрләренең һөнәри үсешенә юнәлдерелгән. Яклау барышында 20 муниципаль архивта заманча җиһазлар алуга дәгъва кылучы 22 проект тәкъдим ителде: видеокамералар, планетар сканер, фотоаппаратлар һәм сенсорлы экранлы мәгълүмат өстәле. 

Проектларны яклау өч номинация буенча үткәрелде:

1.  Россия Федерациясе архив фонды документларының һәм башка архив документларының сакланышын тәэмин итү проектларына ярдәм итү.

2.  Татарстан Республикасы архив фондын Татарстан тарихы буенча аудиовизуаль документлар белән тулыландыру проектларына ярдәм итү.

3.  Россия Федерациясе архив фонды документларын һәм башка архив документларын популярлаштыру һәм алардан файдалану проектларына ярдәм итү. Әлеге номинациядә Азнакай, Югары Ослан, Биектау һәм Лаеш муниципаль районнары башкарма комитетларының архив секторлары җиңүче булды.

«Безнең фикеребезчә, бик мөһим конкурс, - ди архив эше буенча ТР Дәүләт комитеты рәисе урынбасары Гүзәл Илдус кызы Илдарханова-Балчиклы - ул безнең архивлар өчен алдынгы һәм заманча җиһазлар алу мөмкинлеге бирә һәм һәр хезмәткәрнең һөнәри үсешенә ярдәм итә! Бәйге лаеклы булды! Иң көчлеләр һәм әлеге җиһазны куллану кирәклеген исбатлаучылар җиңде!».