Интернат-йортта тәрбияләнүчеләр “Мәдәниятләр диалогы” музеенда экскурсиядә булдылар

Ул көн интернат радиоузлы буенча социаль хезмәтләр алучылар өчен хезмәт буенча инструктор Светлана Лазуркевич үткәргән мәгълүмат сәгатеннән башлады.

Аннары барысы да район мәдәният йортында урнашкан "Мәдәниятләр диалогы" музеена юнәлделәр. Аның директоры Анжелика Решетова экскурсия барышында яшәүчеләрне узган еллар атмосферасына чумдырды. Олы яшьтәге экскурсантлар балачакта һәм яшьлектә булган таныш әйберләрне, иске фотоларны, открыткаларны, вымпелларны зур кызыксыну белән карадылар.  Кайберәүләр хәтта элеккеге башлыкларны, пилоткаларны киеп карадылар һәм фотога төштеләр. Узган еллар турында әңгәмә район мәдәният йортының чәй өстәле артында дәвам итте.

Алдагы көннәрдә дә шундый ук кызыклы очрашулар көтеп, тәрбияләнүчеләр мәдәният йортыннан күңелле һәм җылы тәэсирләр белән кайттылар. Анжелика Решетова шушы көннәрдә интернат - йортка килергә һәм социаль хезмәтләр алучылар өчен иҗади мастер-класс үткәрергә вәгъдә итте.

 Светлана Мазуркевич сүзләренчә, мондый эчтәлекле чаралар яшәүчеләрнең тормышын төрлеләндерергә мөмкинлек бирә, аларда әйләнә-тирә дөньяга кызыксыну уята.